డివైడర్, స్ట్రీట్ లైట్ ధ్వంసం.. రెండు పోలీస్ స్టేషన్ల పరిధిలో దర్యాప్తు..?
కాజీపేట జంక్షన్ పరిధిలోని నాలుగు రోడ్ల కూడలి వద్ద ఒక భారీ టిప్పర్ లారీ బీభత్సం సృష్టించింది. స్థానిక గాయత్రి స్వీట్ హౌస్ ఎదురుగా మొరం మట్టితో వెళ్తున్న ఓ టిప్పర్ లారీ అదుపుతప్పి డివైడర్ను, అక్కడే ఉన్న స్ట్రీట్ లైట్ పోల్ను బలంగా ఢీకొట్టింది.అయితే ఈ ఘటన జరిగి రెండు రోజులు గడుస్తున్నా ఆ మొరం లారీని అక్కడి నుంచి తరలించకపోగా, ఈరోజు మరో లారీ కూడా అక్కడికి వచ్చి చేరడంతో అసలు అక్కడ ఏం జరుగుతుందో అర్థం కాక స్థానికులు విస్మయం వ్యక్తం చేస్తున్నారు. సమాచారం అందుకున్న పోలీసులు రంగంలోకి దిగారు. ఈ వ్యవహారం ప్రస్తుతం రెండు పోలీస్ స్టేషన్ల పరిధిలోకి వెళ్లినట్లు తెలుస్తోంది. పోలీసులు కేసు నమోదు చేసుకుని దర్యాప్తు చేస్తున్న తెలుస్తున్న ఇప్పటికి ఆ వాహనాలు అక్కడే ఉండడం పలు అనుమానాలకు తావిస్తోంది .కాగా ప్రధాన రహదారిలో రెండు భారీ వాహనాలు అక్కడే నిలిచిపోవడంతో రాక పోకలకు తీవ్ర అంతరాయం ఏర్పడుతోంది… అంబులెన్సు వాహనాలు, వి ఐ పి వాహనాలు వెళ్ళడానికి ఇబ్బందులు ఎదురవుతున్నాయి…
