rknews10

ముఖ్యమంత్రి రేవంత్ రెడ్డి చేసిన వ్యాఖ్యలపై రాజకీయ దుమారం రేగింది. మాజీ ముఖ్యమంత్రి కేసీఆర్ కుటుంబాన్ని ఉద్దేశించి సీఎం చేసినట్లు చెబుతున్న వ్యాఖ్యలపై మాజీ మంత్రి జీవన్ రెడ్డితో పాటు బీఆర్ఎస్ నాయకులు పోలీసులకు ఫిర్యాదు చేశారు. వెస్ట్ మారేడ్‌పల్లి, జగిత్యాల పోలీస్ స్టేషన్లలో వేర్వేరుగా ఫిర్యాదులు అందజేసి, సీఎం రేవంత్ రెడ్డిపై చట్టపరమైన చర్యలు తీసుకోవాలని కోరారు.

పేకాట ఆడుతున్నారనే విశ్వసనీయ సమాచారం మేరకు మడికొండ గ్రామ శివారులో పోలీసులు దాడి నిర్వహించారు. మడికొండ ఎస్‌ఐ రాజబాబు సిబ్బందితో కలిసి ఆకస్మికంగా దాడి చేసి పేకాట ఆడుతున్న ఏడుగురు వ్యక్తులను అదుపులోకి తీసుకున్నారు.

తెలంగాణ ఉద్యమంలో పోరాడిన శ్యామ్‌ ప్రసాద్‌రెడ్డిని పట్టుకుని చర్లపల్లి జైలులో వేయాలని ముఖ్యమంత్రి రేవంత్‌రెడ్డి వ్యాఖ్యానించడం బాధాకరమని బీఆర్ఎస్‌ వర్కింగ్‌ ప్రెసిడెంట్‌ కేటీఆర్‌ అన్నారు. శ్యామ్‌ ప్రసాద్‌రెడ్డి కన్నీళ్లు పెట్టుకున్న విషయం తెలిసి తాను ఫోన్‌లో మాట్లాడినట్లు తెలిపారు.కాళేశ్వరం వ్యవస్థలో రిజర్వాయర్లు, బ్యారేజీలు, పంప్‌హౌస్‌లు, కాలువలు, మోటార్లు, సబ్‌స్టేషన్లు అన్నీ మంచిగానే ఉన్నాయని కేటీఆర్‌ పేర్కొన్నారు. ‘‘కాళేశ్వరం సిస్టమ్‌లో అన్నీ నిక్షేపంగా ఉన్నాయి.. ఒక్క రేవంత్‌రెడ్డి బుర్ర తప్ప’’ అంటూ తీవ్ర వ్యాఖ్యలు చేశారు.

బాలిక సహా ఆరుగురి హత్య కేసులో నిందితుడిగా ఉన్న రాజ్‌కుమార్‌ మృతి చెందాడు. కొత్తూరు మండలం పంజర్ల గ్రామం వద్ద ఓ వెంచర్‌లో రాజ్‌కుమార్‌ మృతదేహాన్ని స్థానికులు గుర్తించారు. వెంటనే పోలీసులకు సమాచారం అందించారు.

తమిళ స్టార్ విజయ్ అభిమానులు ఎప్పుడెప్పుడా అని ఎదురుచూస్తున్న ‘జన నాయగన్’ ఎట్టకేలకు థియేటర్లలోకి వచ్చేందుకు సిద్ధమైంది. పలు వాయిదాలు, సెన్సార్ వివాదాల తర్వాత జూలై 24న ఈ చిత్రం గ్రాండ్‌గా విడుదల కానుంది. విజయ్ సినీ కెరీర్‌లో చివరి చిత్రంగా ప్రచారం జరుగుతున్న నేపథ్యంలో ‘జన నాయగన్’పై దేశ, విదేశాల్లో భారీ అంచనాలు నెలకొన్నాయి.